وَقْتَ المُوَادِعْ

موضوع: وَقْتَ المُوَادِعْ 2008-06-11, 05:11

وقت الموداع قلت صبـرك ثوانـي

خلك بحضنـي هالثوانـي الأخيـره

والله قلبـي مـن فراقـك يعانـي

والعين تشكي من دمـوعٍ غزيـره

خطت دموعي فوق خـدي معانـي

في وسط قلبـي هالمعانـي أسيـره

والقلب مجهول الهويه وبحزنها ملانـي

مزحوم من حمل الهمـوم الكبيـره

حتى خفوقي من همومـي شكانـي

من كثرها صارت ضلوعي كسيـره

والجسم للأحزان خصـب المكانـي

يسقيه وابل مـن دمـوعٍ حسيـره

و شوك الحزن بالجلد نبتٍ غزانـي

ينغز بجلدي كـل نغـزه عسيـره

يا زين لا غمضت طيفـك لفانـي

وقامت تخالجنـي بذكـرى مريـره

عقبك حبيبي كـل شـيٍّ جفانـي

حتى القلم يجفا البيـوت اليسيـره

وحتى قصيدي لا زهمتـه عصانـي

يقول ببعـد عـن همـومٍ كثيـره

قالت: حبيبـي لا تذكّـر ترانـي

من كثر دمعي حال عيني ضريـره

والهمّ بعدك فوق جسمـي كسانـي

و صار الشقى بعدك زهاب و ذخيره

يـا الله يـا عالـم بخافـي المحانـي

تجعل هموم القلـب دايـم يسيـره

انا الأسير اللي في أسمه كل المعاني

والشوق ينادي بس مايدري وشهو مصيره

منقووول

موضوع: رد: وَقْتَ المُوَادِعْ 2008-06-11, 20:30

تسلمين اختي ع القصيده الغاويه Smile

موضوع: رد: وَقْتَ المُوَادِعْ 2008-06-12, 04:04

الله يسلمج ويعافيج فديت روحج مشكوره ع مرورج الغاوي