المبرقعه

موضوع: المبرقعه 2008-06-10, 02:59

اتمنى ان تحووز هذه القصيده على رضاكم

لعنبو حيه ضربني علـى الضلـع القصيـر
البلا فـي رمـش عينـه و سكبـة برقعـه
دهورت حالي و وضعي عقب شوفه خطيـر
عقب شوفـه صافـي الهـم قلبـي مرتعـه
يا خفوقي كل صعـب القوافـي لـه يسيـر
سوقها و الوزن حاذر يجـي بـه زعزعـه
(ويل قلبي) عقب شوفه كمـا ويـل الفقيـر
الديـون تلاحـقـه و الليـالـي تفجـعـه
و(لوع قلبي) لوع من غص بالدمع الغزيـر
فـي فـراق اللـي يحبـه تجـرح مدمعـه
و(وجد قلبي) وجد من مات أبيه و هو صغير
و لا عضيد من صـدوف الليالـي يمنعـه
و(ونّ قلبـي) ونـة حرهـا مثـل السعيـر
لا تلهـب فـي وريـدي سناها..تقطـعـه
ونة من حرهـا لـو تلامـس كـل طيـر
صفصف الجنحان و الروض الأخضر ودعه
و لو توصل من لظاها مدى البـدر المنيـر
انخسـف نـوره و ودّع بأثرهـا مطلـعـه
و لو تحول من سماها على البحـر الغويـر
جف موجه و انقطـع مـورده مـن منبعـه
و لو توزع بالتساوي علـى شعـب بخيـر
عاش باقي العمر مـا شـاف يـوم ينفعـه
كـل هـذا حالتـي يـوم ناظرتـه يسيـر
و يوم روّح راح قلبي من ضلوعـي معـه
صرت مثل الحاكم الظالم و قلبـي الأسيـر
في سجونك شاف صدق الهمـوم المفزعـه
يا جميل الوصف و الله و لو دربك عسيـر
لأقطعه ((في شاربي)) و الله إنـي لأقطعـه
لأجل عينك بأتعب الساق و أحـث المسيـر
و العواذل هرجهـم فيـك مانـي بأسمعـه
جاك مجنونك ترقبه صـار أو مـا يصيـر
عاشق صعب العوايق تـرى مـا تردعـه
في وصالي يا الغضي لا تشاور لك شويـر
هايـم وصلـك مرامـه و غايـة مطمعـه
(( ليت أبوها عمي و ليت بيته لـي قصيـر
كـان و الله مستريـح و قلبـي مقنـعـه))
و ليته إليـا سِمْعنـي يفهـم بقلـب بصيـر
إن حبـه غايتـي و إن قلـبـي مرجـعـه
النهايه يا عرب كـل جـرح بـي غويـر
كلهـا سبـة عيونـه و سكـبـة برقـعـه

منقوول

موضوع: رد: المبرقعه 2008-06-11, 01:13

تسلمين ع القصيده الغاويه تعرفين عوقي البرقع Smile

موضوع: رد: المبرقعه 2008-06-11, 05:06

الله يسلمج ويعافيج ادريبج ماله داعي اتخبريني مشكوره ع مرورج الغاوي^_*